倍升企劃

如何找出倍升股的第四課：SMA分數與綜合分數的意思（雙星股）

SMA分數與綜合分數的意思

係之前講的9992 中，佢由$27 升到$339 ，過程中必會繼續異動，特別是成交活躍，但幾多錢還可追入，呢個都係之前會友嘅問題。呢個亦都係之前會員講好多火箭，但幾錢入才算係高追？幾錢入先仲算係低位。有見及此，才加入了這個SMA 分數及綜合分數。(滿分10分)

簡單來說

SMA分數︰SMA 分數愈高代表佢愈無阻力。

綜合分數︰呢個分數係將SMA 分數及呢家升得多唔多都計算在內的分數。

而最理想的情況，當然是兩個分數都高。SMA 分數高同時綜合分數高，咁意思就變咗佢破曬阻力位，同時又仲係低位。(好多時升得好高好高，例如9992 係二百幾，佢SMA 分數一定高，但綜合分數就會好低)

咁幾多分先至好？

最初我定義咗雙7分己係好 (即DISCORD 見到雙綠)

但都有會員想縮窄範圍，所以再收緊要求，就係要股價破曬阻力位之餘，同時股價依然未算在高位。即

SMA評分 ≥ 7

綜合評分 ≥ 7

SMA評分 ≥ 綜合評分

另外，由於細價股好難一升嗰吓依然仲係低位，因為通常細價股一係唔郁，一郁就升20%以上，好難仲係低位。所以我都容許對佢哋破曬阻力位而仲未算好高的情況都做了顏色指示。

SMA ≥ 7, 綜合 in 6–7,

總結，如果你見到雙綠已經不錯 (因為有時會問為何只是雙綠都靚，其實最初版本都只是有雙綠，所以靚係正常，只係可能上高還有少少阻力位)

要求高才睇雙星股 (或者純為慳時間) ，細價股就不要要求一定要雙星，一黃一橙己可以。(因為細價股好難好嘅時候仲係低位)

唔洗再浪費時間，系統地幫你發掘倍升股🚀

Social